NRK Meny
Normal

Leiteaksjon i skogen

Ei kvinne fall og pådrog seg eit komplisert beinbrot i fjellet ovanfor Stokkenes i Luster. Redningsaksjonen vart meir krevjande enn normalt.

Laster kart, vennligst vent...

– Det har teke lang tid. Kvinna låg veldig utilgjengeleg til i skogen, og vi sleit svært lenge med å finne ho.

Det seier vakthavande redningsleiar ved Hovudredningssentralen, Nils-Ole Sunde.

Måtte ned i skogen

– Det er berre to stader Sea-Kingen slit, og det er under vatn og i skogen, han.

Til slutt måtte helikopteret gje opp. Kvinna var ikkje å finne.

– Då måtte vi sette folk ned i skogen, og fly vekk med helikopteret, som laga mykje lyd. Saman med Røde Kors gjekk vi rundt i skogen og ropte på kvinna.

Komplisert beinbrot

Til slutt fann mannskapa kvinna, og fekk stabilisert det kompliserte beinbrotet.

– Mannskapa bar ho til ein stad der helikopteret kan lande. Akkurat no er kvinna i ferd med å fraktast til Førde sentralsjukehus, seier Sunde.

Etter det han kjenner til skal skadane ikkje vere livstruande.

– Men det er klart at eit komplisert beinbrot er svært smertefullt og vert opplevd som veldig alvorleg, seier redningsleiaren.

Statens helsetilsyn har avdekka at fire av fem norske kommunar som blei sjekka bryt lova og gir eit for dårleg tilbod til utviklingshemma.
Første i Norge som har vektløfting som valgfag.