I fem år var Henrik Furebotn og Rune Bolseth lagkameratar i Sogndal. Så reiste Bolseth til Hønefoss for å få eliteseriespel.
Søndag
.- LES OGSÅ:
– Det var rart å gå inn i bortegarderoben, rart å spele mot gamle kjende. Det er jo alle folka her då. Svein Olav Haugen, Lægreid, banemannskap. Så såg eg jo kjende fjes på tribunen også, seier han.
Få kompisduellar
Eitt av dei mange kjende fjesa på bana var Sogndal-kaptein Furebotn. Men duellane dei imellom vart det så som så med. For
langs bakken.Dermed skjedde duellane mellom kompisane stort sett på det verbale plan.
– Det var mest å sjå opp i lufta og ballen der. Det vart ikkje så mange duellar mellom oss, men vi hadde nokre småstikkarar til kvarandre i ny og ne, gliser Furebotn.
Har veddemål gåande
Kampen enda med poengdeling etter 90 mållause minutt. Uavgjort vart det også mellom dei to kompisane, som lenge har hatt eit veddemål gåande.
For Furebotn og Bolseth vil ikkje berre sjå på tabellen når dei neste gong skal terge kvarandre. Knivinga går også på kven som scorar mest mål.
- LES OGSÅ:
– Han vann for to år sidan, og eg vann i fjor. No leiar han 1–0 i år, seier Bolseth som scora sju mål for Hønefoss i opprykkssesongen i fjor.
1–0 til Furebotn
På eit Harald Aabrekk-defensivt Sogndal-lag fann ikkje Furebotn vegen til nettmaskene i fjor.
På eit meir offensivt Sogndal-lag, starta årdølen med nettkjenning allereie i serieopninga då Odd Grenland vart slått 4–0 i Skien.
– Men han er straffetakar på Hønefoss, så han kjem vel til å byrje å filme etter kvart. Eg får passe opp, ler Furebotn.
Utelukkar ikkje Sogndal
Trass i den venskapelege terginga, utelukkar ikkje Bolseth at han og Furebotn blir lagkameratar igjen.
– Så lenge kroppen held, så har eg lyst til å spele nokre år til. Det er ikkje utenkjeleg at det er Sogndal, men det kan også bli Hønefoss eller andre. Tida vil vise, seier Bolseth.