Med full poengfangst over bergensarar på medaljejakt, er sørlendingane no fem poeng bak Sogndal på tabellen.
- LES OGSÅ: – Ein ekstremt viktig siger
Med fire kampar att hardnar kampen til om å overleve.
– Det byrja med kraftig jubel i stova, men så vart det heller dårleg stemning. Kvelden vart ikkje den oppturen den skulle vere, fortel sogndalspelar Ole Jørgen Halvorsen som såg kampen saman med sisteskansen på laget.
Viktig kamp i botnstriden
TV-kampen vart på langt nær den høydaren dei hadde håpa på. Med siger til Brann ville Start langt på veg vere hekta av i kampen for å stå i divisjonen, samstundes som Sogndal ville vere eitt steg nærare fornya eliteseriekontrakt. Avstanden mellom dei to klubbane ville med brannsiger vere åtte poeng.
Oppgjeret på Sør Arena starta bra for Sogndal sin del då Kim Ojo sende bergensarane i føringa etter 19 sekund. Deretter endra kampen heilt karakter.
– Start vart frykteleg gode etter kvart. Eg hadde håpa på litt meir hjelp frå Brann i dag, seier Kenneth Udjus, den tidlegare Brann-keeperen.
Knuste fjernkontroll
Espen Hoff, Ole Martin Årst og Espen Børufsen sytte for siger for at sørlendingane framleis har tru på å overleve. Då sistnemnde fastsette sluttresultatet like etter pause, deisa Udjus like godt fjernkontrollen i bakken så den vart øydelagd.
– Han vart litt forbanna på gamle lagkameratar, ler Halvorsen.
– Det var ein «litt» spontan reaksjon får ein seie, humrar Udjus.
For keeperen,
, vart det difor ein kveld med litt vekslande kjensler.– Det er viktigare for meg kvar eg spelar til neste år. Eg satsar sjølvsagt på at både vi og Start held oss i divisjonen, og at Fredrikstad rykkjer ned, seier Udjus.
Tettare enn håpa på
Mellom Sogndal og Start ligg Fredrikstad med 28 poeng. Med sine 29 poeng har Sogndal også ein langt betre målskilnad enn Start. Mykje takka vere keeperspelet til Kenneth Udjus.
- LES OGSÅ:
Søndag var han også sterkt delaktig då
.– Det blir tettare enn eg hadde håpa på. Både vi og Start har heilt klart tøffe kampar att, men vi skal slappe av og spele fotball, seier han.
Skal ta poeng
Halvorsen kjenner også pusten til sørlendingane i nakken, men kjenner seg trygg på at Sogndal spelar i eliteserien også neste år.
- LES OGSÅ:
– Eg trur vi har bra sjanse til å halde plassen. Skal Start ta oss att, må dei halde fram med å vinne medan vi ikkje tek fleire poeng. Men vi seier oss ikkje nøgde med 29 poeng. Vi skal ha fleire, seier han.