Markeringa skjer på måndag og skjer i samband med Norsk Studentorganisasjon (NSO) si markering av «International Student’s day». Regjeringa ønskjer å innføre skulepengar for internasjonale studentar frå utanfor EU og EØS.
Leiar Tollak Mikal Kaldheim av Studentparlamentet ved Høgskulen i Sogn og Fjordane seier dette er eit heitt tema i student-Norge.
– Det er viktig for oss å skape blest og engasjement rundt denne saka. Vi kjem til å kjenne oss nakne dersom dei internasjonale studentane ikkje lenger søker seg til Noreg fordi dei må betale skulepengar, seier han i ei pressemelding.
- LES OGSÅ:
– Det måtte drastiske grep til
Kaldheim seier at å få internasjonale studentar dei siste åra har vore eit mål for Høgskulen i Sogn og Fjordane.
Førebels er dei internasjonale studentane ved høgskulen frå EU og EØS, så verken i Sogndal eller i Førde er det mange studentar som vert råka av regjeringa sitt forslag.
– Vi håpar jo at det skal bli fleire internasjonale studentar ved høgskulen, så kuttforslaget er jo ikkje vegen å gå. Satsinga er verdilaus om regjeringa kuttar støtta, meiner Kaldheim.
– Men korfor bruker de naken kropp i ei slik sak?
– No er det harde budsjettforhandlingar om dagen. Vi hadde rekna med at denne saka skulle løyse seg fint, og at støtta ikkje skulle kuttast, byrjar Kaldheim:
– Det er veldig lett at ei sak som dette druknar. Korleis skulle folk leggje merke til saka? Vi ønska å lage skape blest om saka, og da vart vi einige om at det måtte drastiske grep til. Og kropp funkar!
– Kva for reaksjonar har de fått?
– Vi har fått overraskande positive meldingar på det. Eg trudde at folk skulle seie "kva er poenget med det her?", men det har dei ikkje gjort. Og det gjekk veldig greitt å få folk til å stille, folk er sporty her i bygda, ler Kaldheim.
- LES OGSÅ: