Kledde av seg i sola - enda i avisa

Då Firda Tidend-journalisten stoppa bilen for å svare på ein telefon, fekk han auge på eit par som tydeleg sette pris på litt sol på vinterbleik hud ...

Par tok bilete utan ein tråd i Våtedalen

FOTOSEANSE I DET FRI: Dette paret fann ut at Våtedalen ville vere flotte kulissar for nakenfotografering. Som sagt så gjort ...

Foto: Hallstein Dvergsdal, Firda Tidend

– Eg fekk ein telefon, og køyrde inn på ei lomme for å svare på denne. Då eg såg kva som skjedde, tok eg fram kameraet, humrar Hallstein Dvergsdal til NRK.no.

Han er journalist i Firda Tidend, og kjem gjennom jobben borti mange artige situasjonar. Men han nok aldri sett noko liknande før:

På veg gjennom Våtedalen på E39 mellom Sandane og Skei sperra han augo opp: Eit par utan så mykje som ein tråd på kroppen var travelt opptekne med å ta bilete av kvarandre i vakker vestlandsnatur.

Kanskje var fotoseansen inspirert av den nye trenden, der ungdom på tur i naturen kastar kleda og tek bilete av seg sjølv.

Uansett enda den private fotograferinga opp som ein artikkel i lokalavisa.

«Dei gav seg god tid med fotograferinga og etter at motiva var i boks kledde dei på seg og vinka til fotografen», heiter det i Firda Tidend.

Og som journalisten avsluttar med: Friluftsliv kan vere så mangt...

Øya Bremangerlandet vil vere utan veg til fastlandet fram til neste veke.
For han som var sekundar frå å bli treft av steinblokkene, var det ei skremmande oppleving.
Over 3000 asylsøkjarar har forsvunne siste året.
  
Heile villreinstammen på Nordfjella, nær 2000 dyr, bør utryddast snarast råd. Det meiner forskarar etter at det i fjor blei påvist skrantesjuke. 
I dag møttes forskarar, politikararar og forvaltninga, for å diskutere den vidare kampen mot smitta.