I ein månad har breimingen Sigurd Felde og tre klatrekammeratar vore og klatra i Pakistan.
Great Trango Tower
Målet for turen var Great Trango Tower i Pakistan. Og å klatre den 1500 meter og loddrette fjellveggen blir rekna som ei bragd, sjølv i dei meire blasserte klatrekretsar. 27 dagar tok turen opp - nedturen noko mindre -
- Det var godt å kome heim, seier Sigurd Felde?
-Var du sikker på du skulle kome heim?
- Ja viss ikkje hadde eg reist i det heile.
Redd, men skjerpa
Great Trango Tower i Pakistan.
Nokre syns nok det kan vere bratt nok på vanlege fjellturar, men Felde må ha 1500 loddrette meter for at det skal vere noko til tur.
- Er du ikkje redd?
- Det ligg jo alltid ein frykt for at det kan gå gale, men det er samtidig den same frykta som gjer at ein er ekstra skjerpa. Og fjellet vi klatra i har mange stygge historier bak seg. Men, heldigvis gjekk det bra.
- Korleis er det å vere på trygg grunn etter ein månad hengande i ein fjellvegg?
- Det er ein deilig følelse å gå flatt bortover igjen, avsluttar Felde.