Det er bodskapen i ei pressemelding frå Hoven Loen AS.
- Les også:
– Dette betyr eit viktig og langt steg framover. Vi har planlagt og starta opp ein del av delprosjekta i hovudprosjektet langs med for å heile tida vere i tråd med målsetninga om opning av pendelbana i 2017, seier Alexandra-direktør Richard Grov.
– Viktig skritt vidare
For på kveldens ekstraordinære generalforsamling vil noverande og dei fleste av dei framtidige aksjonærane vere til stades når selskapet vedtek kapitalauke.
I tillegg håpar dei å signere kontrakt med Doppelmayr Garaventa om bygging av gondolbana som skal frakte folk til Hoven 1 000 moh.
- Les også:
– Vi er meir og meir inn i anleggsfasen. Det vi gjer i dag er eit veldig viktig skritt vidare inn i full anleggsfase, med tanke på at Garaventa er hovudleverandør for bana og det teknisk operative utstyret, seier Grov.
Gigantinvestering
Skogsstivegen til Opheimsætra er forlenga til toppen og ein er no klare til å starte tomtearbeidet på fjellet. Nede ved fjorden er tomta grovplanert og Grov seier at ein også er klar til å ta ut tomtene til fjordstasjonen.
Hotelldirektøren har tidlegare skildra investeringa som den største i Stryn nokon gong, med ei nettoinvestering på 165 millionar kroner.
- Les også:
- Les også:
– 80 prosent av pengane skal gå til start- og endestasjon, opplevings- og informasjonssenter og ein restaurant på toppen. Resten går til markeringar av stiar, prepareringsutstyr og anna, sa Grov då.