Du klør deg kanskje i hovudet og tenker «han har eg aldri høyrd om før». Det er ikkje så rart.
23-åringen frå Belgia har ingen store sigrar frå tidlegare i karrieren. Han var del av ei utbrytargruppe på fem mann som klarte å halde hovudfeltet bak seg heilt til mål. Favoritt Edvald Boasson Hagen enda lengre nede på lista og beste nordmann vart August Jensen frå Team Coop med sin sjetteplass.
Kjempesykkel og folkefest
I Dragsvik stod ein sykkel med hjul som er tre meter i diameter i dag tidleg. Langs heile løypa frå Balestrand til Førde har folk pynta til fest.
– Det har vore ein del utfordringar. Det er store dimensjonar, men vi har fått det til å henge saman. Hjula er tre meter i diameter, seier Gunnar Vedvik som står framfor den store gule sykkelen.
Onsdag ettermiddag skal proffsyklistane, med stjerna Edvald Boasson Hagen i spissen, frå Balestrand, over Gaularfjellet, rundt Jølstravatnet og inn til mål i Førde. Det er første av fem etappar under Tour des Fjords.
Og langs heile løypa har folk engasjert seg for å visa seg fram regionen til Norge og verda, under tidenes første proffritt i Sogn og Fjordane.
Til sals
Sykkelen i Dragsvik er bygd av Sogneprodukt og ASVO Vik. Etter at syklistane har passert vil dei selja sykkelen.
– Vi har håp om å auksjonera den vekk. Den er til sals, så det er berre å slenga inn eit bod, seier Vedvik, som ikkje vil røpa prisen.
Men dei er ikkje aleine om å ha pynta til sykkelfest. På Kreklingen Stadion i Balestrand har dei laga til ein stor sykkel i plast over store delar av bana som ein ser tydeleg frå fugleperspektiv.
Og langs vegen i Vetlefjorden ser ein dette langs løypa.
Fleire har også delt bilde på Instagram, og her har du eit utval. Del dine bilde frå folkefesten med oss med emneknaggen #nrksf.