NRK Meny
Normal

Belgisk siger i Førde

FØRDE (NRK): Dries van Gestel (Sport Vlaanderen-Baloise) frå Belgia vann første etappe av Tour des Fjords med målgang i Førde.

Dries van Gestel frå Belgia vann i Førde

Dries van Gestel var raskast av dei fire utbrytarane som gjorde opp om sigeren i Førde.

Du klør deg kanskje i hovudet og tenker «han har eg aldri høyrd om før». Det er ikkje så rart.

23-åringen frå Belgia har ingen store sigrar frå tidlegare i karrieren. Han var del av ei utbrytargruppe på fem mann som klarte å halde hovudfeltet bak seg heilt til mål. Favoritt Edvald Boasson Hagen enda lengre nede på lista og beste nordmann vart August Jensen frå Team Coop med sin sjetteplass.

Balestrand - Førde

BALESTRAND -FØRDE: Sjå glimt frå første etappe av Tour des Fjords.

Kjempesykkel og folkefest

I Dragsvik stod ein sykkel med hjul som er tre meter i diameter i dag tidleg. Langs heile løypa frå Balestrand til Førde har folk pynta til fest.

– Det har vore ein del utfordringar. Det er store dimensjonar, men vi har fått det til å henge saman. Hjula er tre meter i diameter, seier Gunnar Vedvik som står framfor den store gule sykkelen.

Tour des Fjords, kjempesykkel Dragsvik, Gunnar Vedvik

STOR: Gunnar Vedvik viser fram sykkelen som syklistane vil sjå når dei syklar forbi Dragsvik.

Foto: Gro Ravnestad / NRK

Onsdag ettermiddag skal proffsyklistane, med stjerna Edvald Boasson Hagen i spissen, frå Balestrand, over Gaularfjellet, rundt Jølstravatnet og inn til mål i Førde. Det er første av fem etappar under Tour des Fjords.

Og langs heile løypa har folk engasjert seg for å visa seg fram regionen til Norge og verda, under tidenes første proffritt i Sogn og Fjordane.

Gå til forsiden

Bilde frå sykkelfesten Tour des Fjords

Tour des Fjords blir tekne imot av dette på Røyrvikfjellet

Bilde frå sykkelfesten Tour des Fjords

19 bilder

Sjå alle bilda frå folkefesten Tour des Fjords.

    Skal vise seg fram for Tour des Fjords-syklistane

    VANNSKI: Når syklistane kjem til Vassendene, kan dei vente seg vannski-show.

    Til sals

    Sykkelen i Dragsvik er bygd av Sogneprodukt og ASVO Vik. Etter at syklistane har passert vil dei selja sykkelen.

    – Vi har håp om å auksjonera den vekk. Den er til sals, så det er berre å slenga inn eit bod, seier Vedvik, som ikkje vil røpa prisen.

    Men dei er ikkje aleine om å ha pynta til sykkelfest. På Kreklingen Stadion i Balestrand har dei laga til ein stor sykkel i plast over store delar av bana som ein ser tydeleg frå fugleperspektiv.

    Tour des Fjords, sykkel fotballbane Balestrand. Kreklingen Stadion

    PYNT: Denne sykkelen prydar Kreklingen Stadion i Balestrand.

    Foto: Gro Ravnestad / NRK

    Og langs vegen i Vetlefjorden ser ein dette langs løypa.

    Tour des Fjords, sykkel langs løypa.

    I VEGKANTEN: Hjul med ti meter i diameter langs vegen, det møter syklistane i Ulvestadbakkane i Vetlefjorden.

    Foto: Gro Ravnestad / NRK

    Fleire har også delt bilde på Instagram, og her har du eit utval. Del dine bilde frå folkefesten med oss med emneknaggen #nrksf.

    Laster Instagram-innhold
    Laster Instagram-innhold
    Laster Instagram-innhold
    Laster Instagram-innhold
    Laster Instagram-innhold
    Laster Instagram-innhold
    Laster Instagram-innhold
    Aksjonistar i rettsal, aksjonistar lenkar seg fast på Engebøfjellet
    Teaterfestivalen i Fjaler  
    Frida Melvær møtte innbygarane dagen derpå