– Raset er opp mot 10 meter høgt, fortel Kjell Egil Nes, som har vore på rasstaden.
Sist raset kom i denne størrelsen var bygda innesperra i ei veke.
- LES OGSÅ:
Sterke krefter i sving
Nes er brøytemann og var på veg til rasstaden for å opne vegen for eit mindre ras som gjekk i går. Han innsåg raskt at han ikkje ville få opna vegen i dag. For foran han låg fleire hundre meter med snø.
– Eg gjekk opp på ein høgetopp for å få oversyn, og då låg snøen over heile neset og det har bredt seg langt ut over isen.
- LES OGSÅ:
(Artikkelen held fram under biletet)
LUFTPUTEBÅT: Innbyggjarane skaffa seg ein lutfputebåt for nokre år sida. Denne vert no brukt til å komme seg ut av bygda.
Foto: John Molland / NRKBjørker ligg på vatnet
– Nokre svære bjørker står halvt oppreiste langt ut på isen.
Då raset gjekk sist gong, i 2008, var det nær 40 meter høgt. Nes trur ikkje det er like høgt denne gongen.
– Det har nok kome med meir fart denne gongen, fortel brøytesjåføren.
- LES OGSÅ:
- LES OGSÅ:
Bygda isolert
Veitastrond sine omlag 120 innbyggjarar må no nytte seg av luftputebåt for å kome seg ut av byda.
Kor lang tid det vil ta å rydde vekk dei enorme snømassane er uvisst.
– Det kjem heilt an på veret. Så lenge det er så dårleg ver som no kan man ikkje arbeide i området, seier Nes.
Han tvilar på at dei byrja å rydde raset i morgon, og trur det kan ta mange dagar før vegen opnar att.
– Det kan vere fare for nye ras, så vi må tenkje på tryggleiken.