NRK Meny
Normal

Kjell (80) vann som han ville – igjen

Kjell Steinset stilte til start på fire øvingar i Veteran-NM i friidrett. Det gjekk som det plar gå. 80-åringen kom heim til Jølster med fire gullmedaljar.

Kjell Steinset

GLEDE: Sjølv om konkurransen ikkje var særskilt stor varma gullmedaljane i regnvêret på friidrettsarenaen i Knarvik.

Foto: Dyveke Buanes / NRK

– Det er berre å stå på og ikkje gi seg, seier medaljegrossisten frå Jølster.

12 gullmedaljar

Kjell Steinset var ein av fleire lokale friidrettsveteranar som i helga kjempa om edelt metall og heider og ære under Veteran-NM i friidrett.

Kjell Steinset på toppen av pallen

PÅ TOPPEN: Kjell Steinset (t.h.) prøvde å pynte på sin eigen norske rekord på 800 meter, men kom i mål tre sekund for seint. Siger vart det likevel.

Foto: Johnny Solheimsnes

Meisterskapen i Knarvik resulterte i 29 medaljar. Av desse 12 gull, der Bjørg Reknes (Florø) og nemnde Steinset tok fire kvar.

– Det gjekk greitt. Eg sprang 400 meter før i dag, så det var berre å bruke siste rest av kreftene, seier 80-åringen etter å ha fullført 1.500 meter på tida 7,00,96.

Steinset er ikkje noko ukjent namn i friidrettsmiljøet. Han har siste åra sett fleire norske rekordar. Det vart ikkje nye rekordar i helga. Nærast var han på 400 og 800 meter.

Kjell Steinset i einsam majestet mot ein av sine fire NM-titlar i Knarvik.

SJÅ VIDEO: Kjell Steinset hadde ingen konkurranse om NM-tittelen på 1.500 meter. (FOTO: DYVEKE BUANES/NRK)

Steinset er også dobbelt europameister og firedobbel nordisk meister.

– Det er litt genar. Så har eg nok halde meg i betre form enn dei fleste gjennom jamn trening. Eg prøver å trene fire gonger for veka, smiler den ferske firedoble norske meisteren.

Statens helsetilsyn har avdekka at fire av fem norske kommunar som blei sjekka bryt lova og gir eit for dårleg tilbod til utviklingshemma.
Første i Norge som har vektløfting som valgfag.