Rekorden frå i fjor med totalt 250.000 besøkande i Briksdalen og 42.000 som vart skyssa opp til sjølve Briksdalsbreen, ser ut til å bli slått i år. Dette trass i at den russiske marknaden har kollapsa grunna konflikten mellom Russland og Vesten.
Årsaka er ein eventyrleg vekst i den asiatiske marknaden, spesielt frå Kina, skriv nettavisa Nett.no.
– Kinesarane har fått interessa for norske fjordar, fjell og brear. Den kinesiske marknaden har rett og slett gått til himmels, seier Rogeir Haugen, dagleg leiar i Oldedalen Skyss til NRK.
- Les også:
(Artikkelen held fram under biletet)
Den spektakulære naturen gjer at turistane vil til Briksdalen. I fjor vart 42.000 turistar frakta opp til breen med bil. I år går det mot ny rekord.
Foto: Oldedalen Skyss / Oldedalen Skyss7 av 10 kjem frå Asia
Oldedalen skyss omsette for sju millionar kroner i fjor, noko som var ny rekord. Haugen håper og trur på ny rekord i år.
– Det ser så langt veldig bra ut. Lågare kronekurs speler også positivt inn, seier han. Haugen fortel at om lag 70 prosent av dei besøkande kjem frå Asia.
- Les også:
- Les også:
Bryt sperringane
To tyske turistar omkom i fjor sommar då dei fekk isblokker over seg etter å ha kryssa sperringane ved Nigardsbreen. I fjor sommar kunne NRK dokumentere at mange turistar kryssa sperringane også ved Briksdalsbreen.
– Fryktar du alvorlege ulukker?
– Det er tydeleg merking, skilt og kjettingar som viser kor nær breen turistane har lov å gå. Sperringane er ikkje sette opp for moroskuld. Det kan vere veldig farleg å vere nær breen, så vi må håpe at dei held seg til dette, seier Haugen.
Berre på nokre timer i fjor sommar såg NRK sin reporter mange turistar som kryssa sperringane ved Briksdalsbreen.
Foto: Bård Siem / NRK– Kva med å ha vakter på plass som passar på at ingen går heilt inn til breen?
– Nei, det har ikkje vorte noko tema. Det er dei ansvarlege for nasjonalparken som bestemmer korleis skiltinga og sikringa skal vere. Vi følgjer signala derifrå, seier Haugen.
- Les også:
