Coop Vest har vore nøydde til å kaste mat for millionar, seier administrerande direktør Geir Espe. For med straumbrot i timesvis, var det ikkje anna å gjere.
– Vi har ikkje heilt oversikt over kor mykje vi har kasta varer for, men det er snakk om millionbeløp, seier han.
- LES OGSÅ:
Ein av butikkane som har kasta mykje mat, er Domus på Sandane. Her måtte kjølevarer for nær ein halv million vekk frå hyllene.
– Trasig, men det var ingen annan utveg etter nær eitt døgn utan straum, fortalde butikksjef Martin Hamre.
Direktør Geir Espe trur butikkane vil få dekka det meste av tapet gjennom forsikringa.
– Det viktigaste for oss var å få vekk varer som hadde tina. Kundane skal vere trygge på at det som er i butikkane er trygge og nye varer. Eg trur dei same kjedene gjer det same. Vi tek ingen sjansar når det gjeld slikt.
- LES OGSÅ:
- LES OGSÅ: