NRK Meny
Normal

Tilbake som juniorløpar etter verdscupnedtur

Med ein 83. og ein 99.-plass vart ikkje verdscupdebuten som Karoline Erdal hadde håpa på. – No blir det fullt fokus som junior og sesongens store mål, seier skiskyttaren frå Førde.

Sesongstart skiskyting 2016 på Sjusjøen.

IRRITERT: 13 bom på to konkurransar er ikkje vanleg for Karoline Erdal. – Det er det som irriterer meg mest, seier ho etter verdscupdebuten i Östersund.

Foto: Roald, Berit / NTB scanpix

For framover står verken IBU eller verdscup høgt på lista over renn Førde-jenta skal gå.

No er det mindre renn, samt Norgescupen over nyttår som tel for å nå sesongens store mål: junior-VM i Ostrov 22. februar til 1. mars.

– Eg og landslagsleiinga har snakka litt om det, og vi er samde om at eg no skal fokusere på junior-sesongen og mot junior-VM. Så får vi sjå kva som skjer, seier Karoline Erdal.

– Ikkje avskrekkande

– Men eg håpar at eg ved eit seinare høve får sjansen att i verdscupen. Eg vart mange erfaringar og opplevingar rikare. Og det var ikkje avskrekkande, legg 18-åringen til.

For det er juniorløpar ho er. Sjansen til å måle krefter i verdscupsirkuset kom langt tidlegare enn ho sjølv hadde både håpa på og drøymt om. Takka vere ein knallsterk start på sesongen.

– Det er mange gode og erfarne løparar, som har meir ro enn oss debutantar. Dei er vande med å gå verdscup, og vande med å kjenne og takle presset frå ytre faktorar, seier ho.

Alt for dårleg skyting

Debuten som verdscupløpar resulterte i ein 83.-plass på 15 kilometeren torsdag. Laurdag vart det 99.-plass på sprinten, og berre fire konkurrentar bak seg på resultatlist. Plasseringa bryr 18-åringen seg fint lite om.

For ein skiskyttar som plar levere på standplass, er det verre med 13 bomskot.

– I dag vart det fem. Det er alt for dårleg i slikt selskap. Eg vart passiv og fann ikkje rytmen. Då blir avtrekka dårlege. Det irriterer meg mest, seier ho

– Men eg veit at eg kan så mykje betre. Då er det kjedeleg å ikkje få vise det fram når eg får sjansen, legg ho til.

Vil ikkje forhaste seg

Erdal sa før meisterskapen at ho såg fram til å prøve seg i nye situasjonar. Det fekk ho til det fulle oppleve i Östersund. Verken Noregscupen eller Junior-meisterskap kan måle seg med viraken rundt eit verdscuprenn.

No vil ho bruke tida til å bli ein så god juniorløpar som mogleg.

– Eg har fått mykje erfaring som eg kan vekse på og dra nytte av som juniorløpar. For meg handlar det om å ikkje forhaste seg opp i klassane. Før eller seinare blir eg seniorløpar uansett, seier ho.

Detaljane skal finpussast
Huset til filosofen Wittgenstein flyttar.
Vestlandsbønder må hente enorme mengder naudfôr frå Austlandet og Sverige. Dette fordi begge grasavlingane på Vestlandet var langt under normalen i sommar.