NRK Meny
Normal

Karina hovudperson i Gründerne på TV

26 år gamle Karina Løbø Fimland frå Førde er ein av dei unge gründerane som blir presenterte på NRK1 onsdag kveld.

Karina Løbø Fimland

GRÜNDER: Karina Løbø Fimland

Foto: Privat

– Det er fantastisk å få lov til å skape noko, og å få jobbe vidare med det, seier Løbø som har etablert sitt eige firma i Porsgrunn.

I programmet Gründerane på NRK 1 ser Forbrukerinspektørene på kva som skal til for å bli ein gründer, kva som er ein god idé. Christian Strand, som er programleiar jaktar på sine gode gründer-idé.

Vender seg til jegerar

I programserien får vi møte ulike gründerar, og i onsdagens program er seks og eit halvt minutt av programmet via Karina Løbø Fimland og verksemda som ho og ein person til har starta – GrippX.

GrippX

FOR JEGEREN: GrippX har utvikla eit produkt som skal gjere det lettare for storviltjegeren å få bytte med seg ut av skogen.

– Vi har utvikla eit handtak til tau, som skal gi jegerane eit betre grep når dei skal dra viltet med seg ut av skogen, seier Løbø.

Den andre i firmaet er ivrig jeger, og iden til produktet kom då han hadde vore på elgjakt, og hadde hatt problem med å få med seg elgen. Dei to jobba då i ei studentbedrift ved Høgskulen i Telemark, der dei då studerte.

– Då byrja vi å teikne og undersøke marknaden for å sjå om den fanst liknande produkt, men det gjer det ikkje så langt vi har funne ut, seier Løbø.

Hva skal til for å bli en gründer? Forbrukerinspektørene ser nærmere på hva som er god idé. Vi møter gründeren bak læringsspillet Kahoot, og gründerbedriften Grippx som utvikler et verktøy til storvilt-jakt. Programleder Christian Strand jakter på sin gode gründer-idé. (1:4)

Mykje jobb

Å starte si eiga verksemd og utvikle nye produkt er eit tøft løp som krev mykje av den skal gjere det.

– Det krev mange timar, og du skal vere glad i å jobbe. Du må vere klar for å vere på jobb heile tida, for det tikkar alltid inn mail, og det er alltid noko å gjere.

Men sjølv om det kostar mykje både tid og energi, så er det også samstundes verdt det meiner den 26 år gamle gründeren.

– Det er vel verdt når du byrjar å sjå dei små sigrane. Det er ikkje alt som fungerer men då veit du at du må gjere det på ein annan måte neste gong, seier Løbø.