– Det var utfordrande med vinden, men vi klarte å prestere i begge omgangane trass at det bles friskt. Vi klarte å stå høgt på bana og stresse Ålesund, seier sportsleg leiar Håvard Flo i Sogndal.
Sogndal vann treningskampen mot Aalesund 1–0. Kampen blei spelt på La Manga og Azar Karadas skåra målet for Sogndal i det 25. minuttet. Sportsleg leiar Håvard Flo seier det var ein positiv kamp der dei fekk til mykje.
– Vi fekk kampen inn i på vårt spor frå starten. Vi var aggressive og fekk til mykje av det vi skulle gjere i forhold til kampplanen vår.
- LES OGSÅ:
Prøver ut ny formasjon
Dette er andre kampen Sogndal spelar ein offensiv 3-5-2-formasjon. Flo seier dei var usikre på korleis det skulle gå.
– Men det fungerte veldig bra frå start til slutt. Defensivt ligg vi nede med backane våre i ein 5-ar bak. Det gjekk bra og er oppløftande føre neste kamp, seier han.
Sogndal har med seg to prøvespelarar, Førde-spelar Kristian Fardal Opseth og Tim Nilsen som er spiss på Nest-Sotra.
– Nilsen kom innpå uti andre omgang. Han gjorde ein god innsats og med litt flaks kunne han ha skåra, seier Flo.
Skal fordele speletida
FEKK PRØVE SEG: Tim Nilsen fekk komme innpå i andre omgang av kampen.
Foto: Astrid M. Nordhaug, Digitalsport.noSogndal valde å bruke Malick Mane og Mahatma Otoo som spissar i dag, difor blei det ikkje speletid for Kristian Fardal Opseth som spelar for Førde.
– Vi brukte Mane og Otoo, i tillegg til Nilsen som fekk komme innpå i andre omgang.
Flo reknar med at Opseth får spele neste kamp fordi dei skal fordele speletida i løpet av dei tre kampane på La Manga. Neste kamp er mot Start på søndag.
– VI kjem til å rullere på laget og fordele på speletida med tanke på belastning. Dermed blir det nok ein del skifte til Start-kampen søndag.
- LES OGSÅ:
- LES OGSÅ:
