Kvinna i 60-åra fekk laurdag kveld telefonen som mange ynskjer å få. Sjølv om TV stod på med Lotto-trekninga i bakgrunnen, var ho ifølgje Norsk Tipping heilt uvitande om at ho var blant dei fire nye lottomillionærane.
– Herregud! Kva er det du seier? Nei, no er eg heilt i sjokk her, svara kvinna då Norsk Tipping ringde.
– Eg og mannen snakka om at vi sikkert ikkje var blant dei heldigaste i kveld heller. Så feil kan ein ta, heldt ho fram overfor den glade bodbringaren.
Ifølgje Norsk Tipping sine sider er det førebels uvisst kva ho ynskjer å bruke pengepremien på.
– Dette må sige inn først, så får vi sjå. Men vi har born som også vil få gleda av denne premien, sa ho.
I tillegg til kvinna frå Lærdal, kan også to personar i Oslo og ein frå Telemark no smykke seg med tittelen Lotto-millionær.