– Bilen som vart brukt er aktuell i fleire saker i Bergen og Hordaland. Truleg er dei to involverte i over 30 saker i området der, seier Knut Hansen ved Førde lensmannskontor.
- LES OGSÅ:
- LES OGSÅ:
Natt til fredag tok dei to seg inn i Biltema i Førde og Coop Marked på Vassenden i Jølster. Bilen vart stolen i Bergen i slutten av oktober, og skilta som stod var stolne frå ein annan bil. Bilen vart funnen forlaten på ein skogsveg i utkanten av Førde.
Politiet bad folk om å vere ekstra på vakt, sidan dei rekna med dei to ville vere på utkikk etter eit nytt køyretøy å ta seg fram med.
Fått hjelp til å kome seg vekk
– Vi har ikkje fått melding om biltjuveri i løpet av fredag eller helga. Det har vore nokre tilfelle av at personar har stukke av frå drivstoffylling utan å betale, men det er ikkje desse personane, fortel Hansen.
- LES OGSÅ:
No startar politiet arbeidet med å sikre DNA-spor av bilen som tjuvane forlèt. Mest truleg har dei to også kome seg vekk frå Førde.
– Truleg har dei ringt til kompisar og fått dei til å hente dei.