Brot i forhandlingane med NSB - no kan reiselivet gå glipp av millionar

– Eg ønskjer ikkje å spekulere i kva dette kan få å seie for reiselivet, seier Ivar Bjarne Underdal, styreleiar i Flåm Utvikling.

NSB varsla tysdag at dei vil drive Flåmsbana vidare åleine, etter at forhandlingane med Aurland Ressursutvikling ikkje førte fram til ny avtale.

• LES OGSÅ: Brot mellom NSB og Aurland

Mykje av inntektene frå Flåm Utvikling nemleg vorte spytta inn i lokale reiselivsbedrifter som har slite tøft økonomisk.

Raude tal for hotellet

Ei av desse bedriftene er mellom andre Fretheim Hotell, som gjekk med 16 millionar i minus i tidsrommet 2008 til 2011. Også selskapa Sognefjorden AS, Aurland Skofabrikk og Nærøy Kulturhistoriske anlegg har slite med store minustal.

Fram til år 2000 eigde NSB 49 prosent av selskapet Flåm Utvikling. Men på slutten av 1990-talet gjekk Flåmsbana dårleg, og NSB bestemte seg for å selje seg ut av selskapet.

Etter at dei lokale eigarane tok over styringa og marknadsføringa, har Flåmsbana vorte ein økonomisk kjempesuksess. Berre dei siste seks åra er det samla overskotet for Flåm Utvikling på om lag 130 millionar kroner.

• LES OGSÅ: Mot sesongrekord for Flåmsbana

(Artikkelen held fram under biletet)

Avtalen gjekk ut ved nyttår

Problemet for Flåm Utvikling er imidlertid at avtalen med NSB gjekk ut ved nyttår, og at NSB no vil drive Flåmsbana sjølv. Dette betyr truleg store inntekter for NSB i åra som kjem, og ditto svikt i inntektene for Flåm Utvikling og resten av reiselivsnæringa i bygda.

NSB og Flåm Utvikling har ikkje greidd å kome fram til ein avtale om drifta av Flåmsbanen, og måndag annonserte NSB at selskapet frå no av vil drive Flåmsbana åleine.

Flåm Utvikling stiller seg på si side undrande til dette, og på generalforsamlinga i morselskapet Aurland Ressursutvikling onsdag vil det bli avgjort om ein vil godta NSB sitt framlegg til avtale.

• LES OGSÅ: Rektor ved Marknadshøgskule meiner Flåmsbanen er sovepille

(Artikkelen held fram under biletet)

Ber partane forhandle vidare

Gjennom selskapet Aurland Ressursutvikling er Aurland kommune ein viktig medeigar i Flåm Utvikling. Eit samrøystes formannskap i Aurland vedtok tidlegare i dag å be NSB og Flåm Utvikling å ta opp igjen forhandlingane.

– Vi ber om at partane går attende til forhandlingsbordet, seier ordførar Noralv Distad.

– NSB gjekk måndag ut med at Flåm Utvikling ikkje greidde å svare innan forhandlingsfristen og at NSB no vil drive Flåmsbanen åleine. Er det då realistisk at NSB vil gå attende til forhandlingsbordet?

– Ja, det meiner vi. Vi legg til grunn at det blir inngått ein avtale mellom NSB og Flåm Utvikling, seier Distad.

• LES OGSÅ: NSB vil ha sin del av kaka i Flåm

NSB står på si side fast på at fristen for forhandlingar gjekk ut sist fredag klokka 17:00.