– Diverre ser det kanskje slik ut. Det er ikkje nokon god tanke. Byen vår er bygd på sild, seier ordførar Ola Teigen.
Pelagia legg ned fabrikken sin i Florø. Skal den vidareselgast, blir det med ein klausul om at ein konkurrent ikkje skal få sleppe til.
Det er same type klausul som gjorde at Nergård AS tapte i lagmannsretten og må demontere og flytte den nye sildeoljefabrikken til 300 millionar kroner i Måløy til Rogaland.
ENDE: Ingen god tanke. Byen vår er bygd på sild, seier ordførar Ola Teigen.
Foto: Geir Bjarte Hjetland / NRK– Eg har fått reaksjonar på at folk tykkjer det er trasig at arbeidsplassar forsvinn, seier Ap-ordførar Kristin Maurstad i Vågsøy.
- Les også: Pelagia legg ned fabrikken i Florø
Heile kysten
Langs heile kysten finst det likande klausular på kaiar og fiskeindustri-eigedomar. Verksemder som legg ned drifta, vil ikkje la konkurrentane sleppe til. Konkurransetilsynet ville i går ikkje kommentere problemstillinga overfor NRK.
Pelagia sin sjef, Egil Magne Haustad, stadfestar at det vil kome ein klausul på tomta til Pelagia i Florø mot å starta pelagisk aktivitet utan Pelagia sitt samtykke.
Dermed må ordførar Ola Teigen og næringslivet i Flora finne annan aktivitet på den sentrale eigedomen.
– Vi har hatt fleire møter med Pelagia om nye arbeidsplassar i lokala. Pelagia har vore tydeleg på at det er for mange fabrikkar som driv med pelagisk fisk i Norge.
– Difor er dei opptekne av at det ikkje skal vere pelagisk fiskemottak på eigedomen deira i framtida. Det må me halde oss til, seier Teigen.
– Kva synest du om at dette sporet no er lukka?
– Det er først og fremst krevjande for dei tilsette. Fleire har jobba her i over 30 år og kan dette faget. Det er ikkje med lett hjarta me innser at det ikkje blir pelagisk fiskeproduksjon i det bygget i framtida, seier ordførar for sildebyen Florø.
Flora har sild i kommunevåpenet sitt og sjølve byen Florø er ein følge av sildetida på 1800-talet.
FORSIKTIG: Ordførar Kristin Maurstad i Vågsøy er varsam med å kritisere Pelagia.
Foto: Asgeir Reksnes / NRKForsiktig
Tilbake i Måløy er ordførar Kristin Maurstad varsam med å kritisere Pelagia.
– Vi treng dei arbeidsplassane vi kan ha. Og som kommune må vi halde oss til kva retten har bestemt, seier Maurstad.
– Vel du å formulere deg forsiktig fordi de er vertskap også for Pelagia?
– Det er klart Pelagia er ein viktig aktør for oss, seier Maurstad.