I 40 år har Ottar Wiik skrive viser om fjordfolket i vest. Tjue år etter at han samla visene om rundballar, innfløkte ferjeruter og statistiske avvikarar på plata «Her langs fjorden», sette han opp kabareten «Rundballeri Hurra!» i ungdomshuset Vikjahalli i Vik i slutten av november i fjor.
Kabareten blei ein stor suksess. To fulle hus, høge sjåartal på den direktesende framsyninga og Wiik sin hyllest til Sogn og Fjordane har gått så det susar på nettet. Nesten 200 000 har sett «Sogn og Fjordane» på Facebook.
I kveld sender Norge Rundt ein reportasje om Ottar Wiik og dei musikalske venene hans i Vik sitt arbeid med kabareten.