I vegkanten på Halsør mellom Raudeberg og Måløy sette Even Halsør i Halsør Maskin AS frå seg gravemaskina og tok velfortent juleferie.
Men han tykte det var litt trasig at maskina skulle sitje der åleine heile jula, så han tok like godt og plasserte sjølvaste julenissen i førarsetet.
– Eg tykte jo at det var eit litt artig påfunn, og eg har fått mange gode tilbakemeldingar, fortel Even Halsør og ler då han han blir kontakta av NRK.no.
- LES OGSÅ:
Det har blitt fleire telefonar frå vener og kjende som har lagt merke til at julenissen har sett seg bak spakane.
– Dette er jo noko ikkje minst ungane her ute har lagt merke til, eg fekk jamvel ein telefon frå eit barn som lurte på om eg visste at nissen hadde flytta inn i gravemaskina, gliser Halsør.