NRK Meny
Normal

Jublar over nybygg

- Heilt fantastisk, seier rektor etter at det blir byggjestart for sentralbygget ved Høgskulen i Sogn og Fjordane.

Åse Løkeland
Foto: Arve Uglum / NRK

Ved årsskiftet kan Høgskulen i Sogn og Fjordane starte bygging av det nye sentralbygget på Fosshaugane.

I krisepakken som regjeringa legg fram i dag får høgskulen 15 millionar kroner.

Spaden i jorda

- Det betyr at vi kan gå i gang for fullt med å realisere prosjektet. Det er heilt fantastisk, seier rektor ved høgskulen Åse Løkeland.

Sentralbygget skal liggje mellom Fosshaugane Campus og Fossbygget.

- Sentralbygget er det viktigaste bygget i heile høgskulen. Det vil vere eit knutepunkt for for dei ulike bygga, og vi får nye undervisningsrom, kontor, læresenter, sørvistorg og studentkantine, seier Løkeland, som meiner bygget gjer høgskulen i Sogndal til ein meir attraktiv studiestad.

Ferdig i 2011

Løkeland reknar med å kunne setje spaden i jorda rundt årsskiftet, og håpar at bygget vil stå klart i byrjinga av 2011.

Sentralbygget er kostnadsrekna til rundt 300 millionar kroner.

- Vi legg til grunn at når vi har byrja å bruke pengar på bygget, så vil resten av pengane komme, seier Løkeland som seier det no blir feiring på kort varsel.

Feiringskake for sentralbygg til Høgskulen i Sogn og Fjordane

Pengeløyvinga vart feira med kake på høgskulen

Foto: Arve Uglum / NRK

Sterkare høgskule

Samferdsleminister Liv Signe Navarsete meiner løyvinga til nybygget i Sogndal er den største gåvepakken til Sogn og Fjordane.

- Vi får ein sterkare høgskule i Sogn og Fjordane, som vil vere viktig for ungdom i heile landet. Det er konkurranse om studentane, og då er det viktig å ha ein moderne og tidsriktig høgskule som kan tiltrekkje seg det beste av lærarkrefter og studentar, seier Navarsete.

Detaljane skal finpussast
Huset til filosofen Wittgenstein flyttar.
Vestlandsbønder må hente enorme mengder naudfôr frå Austlandet og Sverige. Dette fordi begge grasavlingane på Vestlandet var langt under normalen i sommar.