Over heile Sør-Norge har mange har hutra og hakka tenner denne vinteren. Mediene flaumer over av meldingar om det kalde vêret - men er det verkeleg så uvanleg kaldt?
Nei, meiner meteorologane:
- Det er ingenting unormalt med temperaturane i vinter, seier statsmeteorolog Rasmus Myklebust.
Har vore 20 minus før...
Meteorologisk Institutt melder om at desember var skikkeleg kald i Sør-Norge.
- LES OGSÅ:
På oppdrag frå NRK Sogn og Fjordane har Myklebust sett nærmare på minimumstemperaturane for vintermånadene litt tilbake i tid.
Funna hans viser at veldig låge temperaturar ikkje er veldig uvanlege som vi kanskje skulle tru. Men vi må eit stykke tilbake i tid for å finne dei.
- Nyttårshelga i 1978-79 var veldig kald. Då registrerte målestasjonen i Førde i Sunnfjord minus 20,6 grader, fortel Myklebust.
Ganske likt vinterens temperaturar
Han meiner dette årsskiftet har mykje til felles med årets, då det også var svært kaldt på heile Vestlandet. Tilsvarande tal har han funne rundt årsskiftet i 1981-82.
Den nyare målestasjonen på Tefre i Førde har ein minimumsnotering for starten av januar på minus 17,8 grader. Absolutt kaldast her er minus 20,4 grader - målt i 2001.
- LES OGSÅ:
- LES OGSÅ:
- Vi ser det er ganske likt dagens temperaturar. Diverre har vi ikkje gode nok databasar til å kunne spekulere i klimaendringar og liknande, seier Myklebust.