Januarrekord for sjømateksport

– Det er klart vi har hatt historisk høge prisar no, og det er hovudgrunnen til at eksportverdien aukar slik den gjer. Det seier Sverre Søraa, som er administrerande direktør i Coast Seafood i Måløy.

• LES OGSÅ: Rekordår for oppdrettsnæringa
• LES OGSÅ: Gler seg over historiske lakseprisar

Volum- og kvantumsmessig har ein ikkje same veksten, men med høge prisar blir det gode eksportinntekter.

Den høge lakseprisen held seg inn i 2014 og bidreg til at eksportverdien av norsk laks aukar med ein milliard kroner i januar månad.

– I tillegg bidreg auken i eksporten av fryst torsk til Kina og fersk torsk til EU til ein svært sterk månad for sjømateksporten, seier Egil Ove Sundheim, som er direktør for marknadsinformasjon i Norges sjømatråd.

37 prosent auke i lakseeksporten

Det blei eksportert laks for 3,7 milliardar kroner i januar. Det er ein auke på 997 millionar kroner eller 37 prosent samanlikna med januar i fjor.

Prisen på fersk heil laks auka frå 34,66 kroner til 48,89 kroner per kilo. Dei største mottakarane av norsk lags er Frankrike, Polen og Russland.

• LES OGSÅ: Solid eigenkapital for laksebedrift

Stabilt for aure

Aureeksporten enda på same nivå som i 2013, med ein eksportverdi på 205 millionar kroner. I januar var Russland den største marknaden for aure.

Ser lyst på framtida

I Coast Seaafood trur Søraa at prisane vil normalisere seg litt, men at dei framleis kjem framleis til å vere høge gjennom 2014.

– Vi trur historisk høge. Vi trur snittprisen kjem til å vere den beste vi har hatt nokon sinne. Vi er optimistar no. Etterspurnaden etter sunn mat er fenomenal, og sunn mat er nettopp det vi eksporterer.