Dommar Daniel Lunde er og svært misnøgd med karta aktoratet har delt ut. Han kravde ein pause for at aktoratet og forsvarar skulle få orden på kartbruken. Åstaden og andre sentrale stader var ikkje merka av på kartet.
Dommaren fekk nok
Det var medan Blikra bad tiltalte forklare seg om kvar funnstaden er i Førde at det vart nok for dommar Daniel Lunde. Han er særs misnøgd med karta som blir viste fram, og som jurymedlemmene har fått kopiar av. Han gav aktor og forsvarar 15 minutt på å få meir utfyllande opplysningar inn på karta. Han sa også at det er uhaldbart at ein skal bruke tid på slikt under ei rettssak.
Saknar jakke
Aktor Jogeir Nogva trekte fram jakka Standnes hadde på seg den aktuelle laurdagskvelden. Denne jakka har ikkje politiet funne i etterkant. Standnes meiner han må ha rota ho vekk seinare.
Uforståande til DNA-spor
Standnes stiller seg uforståande til at hans DNA er funne på Anne Slåtten.