Den største enkeltinvesteringa er 70 millionar kroner til eitt nytt bygg ved Førde sentralsjukehus. Grunnarbeidet for nybygget tek til like over nyttår.
Bygg aust, som det heiter, skal huse eit lokalmedisinsk senter med funksjonar som legevakt, legevaktsentral, døgntilbod for øyeblikkeleg hjelp og overgrepsmottak for kommunar i Indre Sunnfjord og Ytre Sogn.
Bygget blir også avlastingsbygg for framtidige ut- og ombyggingar som er planlagde ved sentralsjukehuset.
Styret har også vedteke å investere 24 millionar kroner i medisinsk-teknisk utstyr. Mellom anna i ei ny MR-maskin.
Totalbudsjettet for neste år er 2,9 milliardar kroner. Det skal etter planen gi eit overskot på sju millionar kroner. Fleire styremedlem meinte det er eit stramt budsjett, og at det er naudsynt med tett oppfølging gjennom heile året.