Hopp til innhold

Innvandrarar kan redde kommunane

Innvandrarar er ei redning, heller enn ei utfordring, for norske småkommunar. Det meiner professor Victor Norman.

Victor Norman
Foto: Heidi Lise Bakke / NRK

Han viser til at kommunane treng fleire bebuarar - og forstår ikkje skepsisen mot innvandrarar.

Setter søkelys

Victor Norman la på folkeleg og forståeleg vis fram sterke synspunkt på verdien av innvandring på møtet med 120 utsendingar i Florø i dag.

Flora sette med dette seminaret søkelyset på status og utfordringar kring busetjing av flyktningar og innvandrarar.

I ei tid med sterk motstand mot asylmottak i dei aller fleste kommunane her i fylket er Flora med fylkets einaste kommunale asylmottak eit synleg prov på langvarig tilpassing av innvandrarar.

- Viktig for økonomien

Og professor og tidlegare arbeidsminister for Høgre i Bondevik-regjeringa, Victor Norman meiner at integrering av innvandrarar i arbeidsmarknaden gjev stor verdiskaping.

- Alle norske kommunar, unnateke dei rundt Oslofjorden, er avhengige av innvandrarar i åra framover.

- Kommunane treng dei for å halde på folketalet og få til økonomisk utvikling. Dei bør innsjå at innvandrarar er noko av det viktigaste dei kan jobbe med, seier han.