NRK Meny
Normal

Ingen skadd i Sp.

Generalsekretæren i Senterpartiet er rysta over det som har skjedd i Oslo i ettermiddag.

eksplosjon oslo
Foto: Heidi Lise Bakke / NRK

Politiet har stadfesta at det er ei eller fleire bomber som har gått av i Regjeringskvartalet.

Mest truleg skjedde eksplosjonen mellom Grubbegata og Einar Gerhardsens plass. Fleire er hardt skadde, og klokka 18 .00 var to personar stadfesta omkomne.

Partileiaren ikkje skadd

– Etter det eg kjenner til så er alle våre folk i tryggleik, seier Olsen.

Partileiar Liv Signe Navarsete stadfestar til Firda.no at ho er i tryggleik.

– Eg er på veg til Bergen og var ikkje i området då det skjedde. Det er heilt uverkeleg akkurat no. Eg kjenner jo mange som jobbar i regjeringsbygget, seier kommunal- og regionalminister Liv Signe Navarsete til firda.no.

Knut M. Olsen er på ferie i Jølster, men har kontor tett ved eksplosjonsstaden.

– Kontoret mitt ligg ikkje langt ned i gata. Eg går gjennom det området fleire gongar kvar dag, seier Olsen.

- Hadde kjempeflaks

Olsen seier at ein av dei tilsette i politisk leiing i Senterpartiet var svært nær å bli skadd.

– Ein av våre hadde kjempeflaks. Ho stod rett bak bussholdeplassen i Grubbegata der det small, og såg ein vegg av glas kome mot seg, seier Olsen.

– Det heile er heilt uverkeleg, seier generalsekretæren.

Olsen seier at ingen i politisk leiing i Olje- og energidepartementet var på jobb då bomba gjekk av. Olje- og energidepartementet skal vere eit av bygga som er hardast skadd.

- Det som no er viktig er å ta hand om dei som er skadd, og samstundes jobbe parallelt med politiet for å få tatt dei som har gjort det, seier Olsen.

Statens helsetilsyn har avdekka at fire av fem norske kommunar som blei sjekka bryt lova og gir eit for dårleg tilbod til utviklingshemma.
Første i Norge som har vektløfting som valgfag.