Innbyggjarane i Solund viser stor omtanke for dei pårørande

I Solund er to av innbyggjarane sakna sinan onsdag då dei to mennene melde frå at båten deira tok inn vatn.

• LES OGSÅ: Leitar etter to menn i fritidsbåt
• LES OGSÅ: Sjøen er full av vrakrestar frå båten til dei to sakna mennene

Frå i dag har lokalbefolkninga sjølv organisert leitinga. I dag har også redningsselskapet delteke i søket.

(Saka held fram under biletet)

Stort lokalt engasjement

– Det har vore mange båtar i aksjon også i dag, fortel lensmann Ivar Holmås som er imponert over engasjementetet til sambygdingane i Solund.

Kystvakta har delteke i søket sidan onsdag og styrt leitinga slik at dei andre involverte har rapportert til dei. Men i går kveld måtte kystvakta forlate Solund.

• LES OGSÅ: Kystvakta avsluttar søket etter dei to sakna mennene

– Lokalbefolkninga har vore med heile tida så dei veit korleis dei skal organisere leitinga og dei tar initiativ. Er det noko å melde så gir dei beskjed.

I går tok lensmannen initiativ til å samla bygda i barnehagen i Ytterøygrend for å informere om kva som har skjedd i leiteaksjonen og kva som er planen vidare.

(Saka held fram under biletet)

Omsorg for kvarandre

– Vegen vidare er å finne dei to sakna. Tida vi har no er er til å vise omsorg for dei pårørande. Omsorg viser innbyggjarane per i dag best med å prøve å finne dei to.

– Mange i Solund har opplevingar som gjer at dei veit kor viktig dette er. Det viser innsatsen, seier Holmås.

• LES OGSÅ: Har gitt opp å finne overlevande

Om få timar skal dagens leiting avsluttast.