Det er auke i løyvingane til dei store stamveganlegga, men ein viss nedgang for dei andre riksvegane, seier rådgjevar Alfred Bjørlo i Samferdsledepartementet.
Stamvegar prioritert
– Det viktigaste for Sogn og Fjordane på vegbudsjettet for 2003 er at det blir full framdrift og auka løyvingar til dei store stamvegsprosjekta i fylket, seier Bjørlo.
E16 Voldum - Sæltun i Lærdal får 120 millionar kroner, og det er og store løyvingar til E 39 Teigen - Bogen og E39 i Stigedalen. Dei andre riksvegane får mindre pengar enn i år. Det kan settast i gang arbeid på ei ny strekning på Riksveg 5 Førde - Florø - mellom Kvalvik og Grov, og arbeidet med rassikring av riksveg 13 ved Dragsvik held fram.