– Det ser veldig bra ut. Vi har gjetarar i fjellet omtrent kvar dag. Dei går i dei beita som var svært hardt råka av jerv i fjor. Til no ser det svært roleg ut, seier Hovland.
Det ligg framleis mykje snø i fjella, men det er likevel bra med beite for dyra.
– Sauene beitar roleg og ser ut til å trivast godt i fjellet. Heldigvis har vi ikkje hatt noko rovdyrangrep på dyra våre til no i sommar, og slik håpar vi at det held seg, seier Hovland.
For sauebøndene i indre Sogn har mareritt-sommaren frå i fjor friskt i minne då rekordmange sauer og lam mista livet på grunn av både jerv og ulv.
- Les også:
Eit spesielt fjorår
– Fjoråret var veldig spesielt fordi tapa starta med ein gong sauene kom til fjells. Det var ei veldig vanskeleg beitesommar, seier Hovland.
Det vart gjort fleire forsøk på å ta ut jerven, utan at ein lukkast på barmark.
– Men det ser ut til at denne sommaren skal bli betre, seier Hovland.
Ferske tal frå Rovdata syner at det er registrert 61 jervekull i Norge. Det er ni fleire enn i fjor, og 21 fleire enn det nasjonale bestandsmålet på 39 årlege kull. Det er ikkje registrert kull i Sogn og Fjordane.
– Det er eit dramatisk høgt tal. Eg håpar vi kan få bestanden av jerv ned på det nivået den skal vere, seier Hovland.
- Les også:
Har hatt eit par tilfelle av ørn
Arne Rebni Øverås i Skjolden er talsperson for sauebøndene i Luster, og heller ikkje her har ein registrert kadaver som skuldast angrep av jerv.
– Heldigvis har det vore roleg når det gjeld rovdyrskadar så langt i sommar. Eg kjenner ikkje til mistanke om skade av jerv til no, men vi har hatt eit par tilfelle av ørn, seier Øverås.
HÅPAR: - Dess lengre ut på sommaren vi kjem før det skjer noko, dess betre er det, seier talsmann for beitelaga i Luster, Arne Rebni Øverås.
Foto: PrivatMen han fryktar at jerven også i sommar kjem til å gjere innhogg i saueflokkane.
– Det er såpass mykje jerv att i området, at vi fryktar det vert noko, seier Øverås.
- Les også:
Ligg fire-fem veker etter
Sjølv om det ikkje er dokumentert, har fleire meldt frå om at dei har sett jervespor i fjella i seinare tid.
– At ein ikkje har sett spor, betyr ikkje at jerven ikkje er her, seier Øverås.
På grunn av den kjølige sommaren og mykje snø i fjellet, er beitesesongen mange stadar i fylket mange veker på etterskot.
– Det varierer frå plass til plass, men vi ligg fire-fem veker på etterskot. Slik det ser ut no, risikerer ein at dei beiteområda som ligg høgst, ikkje vert snøfrie i det heile i sommar, seier Øverås, som ikkje ser bort frå at det vil synast på slaktevekta til hausten.
– Ein må nok rekne med at det ikkje vert heilt normal lammevekt når sommaren er så spesiell som han er, seier Øverås.
- Les også:
