– Det er stort, seier lokalforeiningsleiar i Olden Raude Kross, Sigurd Strand.
I samband med markeringa av 150 årsjubileet turnerer ein lastebil landet rundt med ein diger container med ei jubileumsutstilling. I dag stoppa lastebilen i Olden, før han held fram til fleire andre stoppestadar i fylket.
Mange tok turen for å sjå på den flyttbare møteplassen som containeren er. Veggane vert bretta ut til utstillingsvegger, og saman med sidetelt er det eit heilt lite historieunivers for publikum.
– Røde Kors er viktig. Vi er der når det skjer, seier Strand.
- Les også:
Hadde 500 medlemmer på 1980-talet
Han er sjølv leiar i eit livskraftig lokallag med imponerande 170 medlemmer, når ein tenkjer på at vesle Olden berre har 900 personar i bygda.
JA TAKK: Lokalforeiningsleiar Sigurd Strand i Olden vil gjerne ha fleire medlemmer.
Foto: Henning Hellebust– Prosentvis kjem vi godt ut. Men vi kjem nok aldri tilbake til tala frå 1980-talet då vi hadde 500 medlemmer. Vi er likevel stolte av å vere ein sterk bastion i bygda, seier Strand.
Han legg ikkje skjul på at han håpar den landsomfattande turneen gir fleire medlemmer til Røde Kors.
- Les også:
Tungt å rekruttere
– Vi håpar på seks-sju nye berre til vårt lokallag. Markeringa i dag har vi med laga i Stryn og Vikane, og dei håpar på det same, seier Strand.
Det er tungt å rekruttere, ein lagnad Røde Kors deler med mange frivillige organisasjonar.
– Men det går, seier Strand.
Han trekkjer fram at Røde Kors både i Stryn og elles i fylket stiller når det trengst.
– Fordelen vår er at vi har utstyret lokalt. Så når noko skjer, er vi klar, seier Strand.