Det er meldt om store skader mange stader i fylket. Hus har blitt øydelagde, campingvogner knuste og stølar har blitt raserte.
Også i Øvstedalen mellom Sogndal og Fardal har Dagmar vore på ferde. Der har ei hytte losna frå grunnmuren og hamna på nabohytta.
- LES OGSÅ:
For 50 meter avgarde
Johannes Bårdgard eig ei anna hytte like ved og var i dag for å sjå til si eiga.
– Då såg eg hytta som hadde slite seg og reist om lag 50 meter av garde, fortel han.
Det har vore sterke krefter i sving 1. juledag og delar av altanen har også treft taket på Bårdgard si hytte som ligg eit stykke unna.
– Eg har ikkje sett noko liknande før. Hyttene har stått her i mange år og den som blei teken av vinden er bygd på 70-talet. Slikt har vi aldri opplevd her før.
- LES OGSÅ:
- LES OGSÅ:
Overraska hytteeigar
Hytteeigaren sjølv, Odd Arne Hagen, har enno ikkje fått sett på skadane etter at hytta er sliten av grunnmuren.
– Eg skal ta meg ein tur opp i morgon for å sjå. No har eg i alle fall kontakta forsikringsselskapet mitt. Eg er spent på kor skadd den er utvendig og innvendig, seier han.
– Kva tenkjer du om at den sterke vinden har teke med seg hytta di?
– Eg hadde ikkje trudd det skulle skje, for hytta har overlevd stormar før. Men når eg ser på TV og i aviser om alle herjingane etter orkanen, så er det ingenting som overraskar meg.
Hytta ser rimeleg uskadd ut frå utsida, men Hagen fryktar for korleis det ser ut inni.
– Eg har mellom anna ein vedomn der. No lurer eg på korleis det har gått med den og med møblene.
- LES OGSÅ:
- LES OGSÅ:
Langt frå vegen
Han har sauer i området og hytta på 20 kvadratmeter blir mykje brukt om sommaren. Hagen veit enno ikkje om det går an å få setje den på plass igjen.
Det er ikkje bilveg til hyttene og no om vinteren tek det om lag 45 minutt å gå på ski inn der. Det er ikkje så lett å komme til med maskinar og dermed veit ikkje Hagen korleis han skal få den fjerna frå nabohytta.
– Vi er gode naboar, men han vil sjølvsagt han den fjerna. Dette er ikkje moro for nokon. Det er rett og slett «seigt» når slikt skjer.
- LES OGSÅ:
