Holsæter endeleg klar for Sogndal

Sogndal har etter mykje om og men komme til semje med Førde om ein overgang for Ruben Holsæter (20).

Ruben Holsæter

TIL SOGNDAL: Ruben Holsæter har lenge vore i søkjelyset til andre klubbar. Neste stoppestad blir no Sogndal.

Foto: Rune Fossum / NRK

– Vi gjorde eit forsøk på å få han før sesongen, men då var det eit spørsmål om økonomi som sette ein stoppar. Vi har visst om kvalitetane hans lenge, men det har nok vore riktig av han å vente, seier Trond Fylling til Firda.

Den sportslege leiaren i Sogndal er glad for at overgangen endeleg ser ut til å gå i orden.

Berre ein medisinsk sjekk og Holsæter sin personlege kontrakt står igjen før kantspelaren kan spele i eliteserien. Valet tok han sjølv før ein månad sidan.

– Eg er utruleg glad no, og det har lenge vore ein draum å spele for ein eliteserieklubb, seier Holsæter til Firda.

LES OGSÅ:

Ruben Holsæter slo for fullt gjennom på seniornivå i 2010, då han var ein dominerande offensiv kraft og vart toppscorar for Førde i 2. divisjon.