NRK Meny
Normal

Høgre kan få åtte ordførarar

Høgre har gjort eit brakval i kommunestyrevalet i Sogn og Fjordane. Partiet får truleg ordføraren i åtte kommunar i fylket.

Noralv Distad og Bjørn Lødemel

VALVINNARAR: Noralv Distad frå Aurland og fylkesleiar Bjørn Lødemel gler seg over gode Høgre-resultat.

Foto: Oddleif Løset / NRK

Det var latter og breie smil i høgreleiren på den store valvaka i Førde. Åtte nye blå ordførarar i Sogn og Fjordane var meir enn fylkesleiar Bjørn Lødemel torde å håpa på.

– Det har blitt så mange av dei at vi har nesten ikkje kontroll. Vi har jo fått Askvoll, Aurland, Balestrand, Gaular og Vågsøy. Ikkje minst har vi eit fantastisk val i Stryn med over 30 prosent. Det er jo heilt fantastisk, seier Lødemel.

Trur det blir moro

Dei nye høgreordførarane var omsverma av journalistar. Ein av dei var Noralv Distad i Aurland.

– Det er ein fantastisk framgang for oss. Det blir mange ordførarar og varaordførar rundt om, så dette blir moro framover.

Håper på klubba i Florø og Førde

Høgre gjorde eit brakval også i Hornindal og Solund med over 30 prosent av røystene, men der makta dei truleg ikkje å slå kloa i ordførarklubba.

I Førde og Flora kunne høgrefolka derimot applaudera. I begge sunnfjordsbyane blir det truleg blå ordførar, sjølv om Olve Grotle i Førde ikkje torde å sleppa jubelen laus.

– Men det er klart at når vi gjer vårt beste val nokon sinne her, så er det veldig gledeleg, seier Grotle.

Høgre har i siste periode hatt to ordførarar i Sogn og Fjordane. Det er Einar Målsnes i Balestrand og Edvin Haugen i Hornindal.

Den nye regjeringa vurderer å kvitte seg med odelslova. Det kjem ikkje på tale, svarer bøndene.
Statens helsetilsyn har avdekka at fire av fem norske kommunar som blei sjekka bryt lova og gir eit for dårleg tilbod til utviklingshemma.
Første i Norge som har vektløfting som valgfag.