– Vi treng rett og slett ei godkjenning på staden vi skal arrangere, for det må blant anna vere flatt nok, seier leiar i Friidrettsgruppa i Vik, Ragnhild Fjærestad.
Då er det sjølve gulrota ho snakkar om for heile arrangementet. For dersom Vik får ei slik godkjenning, kan hopp under arrangementet kvalifisere utøvarane til EM i friidrett i Zürich i år.
Lokalt hopp-håp
Vikjen Henrik Holmberg har som mål å kvalifisere seg til EM i år, er ein av dei som stiller til start under Høgdegallaen. Hovudmålet hans er OL i Rio de Janeiro i 2016.
Konkurransen er kanskje den einaste han får gjennomføre på heimebane.
- LES OGSÅ:
- LES OGSÅ:
Vik friidrettsgruppe håpar at fleire av landets beste hopparar kjem til festivalen som ikkje har vore arrangert dei siste par åra.
– Vi er avhengige av å få ei godkjenning for å få lokka til oss dei beste hopparane i landet. Kanskje kjem det også nokre svenskar, seier Fjærestad.
Truar med å asfaltere
Ho har allereie vore i kontakt med to av landets beste hopparar som har vore i Vik tidlegare på Høgdegalla, Ivan Kristoffer Nilsen og Brede Raa Ellingsen.
Det vert jobba med å få alle krava til godkjenning på plass til den store dagen, 7. juni.
– Skulle det ikkje la seg ordne så får vi asfaltere, ler Fjærestad.