Det er ingen kven som helst Sogndal no prøver å hente.
I juni var Badoyan på bana då heimlandet møtte Portugal til EM-kvalifisering. For to veker sidan scora han kampens einaste mål då Pyunik slo Molde i det første oppgjeret i 2. runde av kvalifiseringa til Champions League. Returkampen tapte dei 0-5.
Trenar Eirik Bakke stadfestar at kantspelaren er på besøk i klubben, men vil førebels ikkje seie noko om kor nære dei er ein overgang.
- Les også:
- Les også:
(Artikkelen held fram under biletet)
MÅLFARLEG: Badoyan (til høgre) har scora jamt og trutt etter overgangen til Pyunik. Her i aksjon i ein kvalifiseringskamp til Champions League mot Molde på Aker Stadion i juli.
Foto: Ekornesvåg, Svein Ove / NTB scanpixBadoyan har spelt to sesongar for storklubben FC Bate Borisov, dei regjerande meistrane i Kviterussland og det einaste laget frå det landet som har kvalifisert seg til gruppespelet i Champions League. I klubben var Badoyan med å vinne serien to gonger, men står berre registrert med 16 kampar og eitt mål.
I 2014 vart gjekk han til FC Gomel i same land og divisjon. Badoyan fekk 29 kampar og scora tre mål i ein sesong som enda med sjetteplass i serien og kvartfinaleplass i cupen.
I 2015 returnerte han til heimlandet, der han spelte siste del av sesongen for dei regjerande meistrane Pyunik. For laget står han registrert med ti mål på tolv kampar.
Kjelde: Wikipedia
Under kan du sjå Badoyan score eit fantastisk mål på brassespark.
