Ferja som går på sambandet er ute av drift etter ei grunnberøring onsdag kveld, og ferja som er sett inn på sambandet torsdag har ein del mindre kapasitet.
- LES OGSÅ:
Kommersiell leiar for sambandet i Fjord1, Terje Kristoffersen, seier til NRK.no at reserveferja køyrer ruta så raskt det let seg gjere.
I 16.30-tida er det lange køar på Lote, og folk NRK har snakka med seier dei bur seg på å stå over minst ei ferje.
– Køen går eit godt stykke opp gjennom bakken her, men vi er i ferd med å nærme oss kaia. Kaia som går her no tek ikkje så mange bilar i gongen, seier Tore Hjelle som ventar på å kome seg austover på helgetur.
Fjord1 håpar at ferja som vanlegvis trafikkerer sambandet skal vere i drift att i kveld.
Klokka 21.30 opplyser Fjord1 på sine heimesider at det vil vere normal drift på sambandet frå klokka 23.15 torsdag kveld.