– Jau, alle dei fire norske gjekk på min slip i dag, slik eg forstod smørjeteamet, seier Fardal.
Han kjem opphavleg frå Hafslo, men har budd utanfor fylket dei siste 30 åra. Fardal har base i Holmenkollen og er tilsett i Olympiatoppen der han sliper 100 prosent for langrennsutøvarane, men også for kombinert- og skiskyttarlandslaget.
Laurdag slipte han Tarjei Bø sine ski tre-fire timar før stafetten, der dei norske herrane til slutt kunne juble over det edlaste metallet.
- Les også:
Blir rørt når utøvarane lukkast
Johannes Thingnes Bø var han klar på kven han ønskte å takke etter gull-løpet på fellesstarten:
– Eg hadde heilt fantastiske ski, jubla Thingnes Bø etter målgang.
Og slikt varmar hjarta til ein som dag ut og dag inn står i smørjebua og sliper skipar etter skipar.
– For meg er det veldig stort. Når du veit at du har bidrege til VM-gull så er det kjekt. Og så er det spesielt med Tarjei og Johannes når vi er frå same fylket. Det blir litt ekstra stort då, seier Fardal, som ikkje legg skjul på at han vert rørt.
– Eg får tårer i auga av å tenkje på det. Eg blir veldig rørt og det gjer noko med ein når ein kan vere så tett på og jobbe med så fantastisk gode utøvarar. Å sjå dei lukkast og vite at ein har bidrege litt, det er stort, seier Fardal.
- Les også:
Men fest blir det ikkje
For rett slip og rett smørjing kan i verdscupsirkuset vere nettopp det som skil ein pallplass frå ei plassering langt ned på resultatlista.
– Det er så små marginar, og alt betyr noko. Det er fort utslagsgjevande på kor ein hamnar på lista, seier Fardal.
Idrettssjef for skiskyttarlandslaget, Morten Aa Djupvik, er stolt og rørt over innsatsen og resultata til utøvarane i VM. Men han er klar på at dei har eit massivt støtteapparat i
ryggen som gjer ein fenomenal jobb.
– Det er mange som står bak og gjer ein fantastisk jobb. Eg vil seie at det er eit utruleg flott team som står bak denne gjengen, seier Djupvik.
Medan gullvinnar Thingnes Bø har gjort det klart at han skal feire gullet med ein skikkeleg fest, er Fardal på veg heim. Omsider.
– Nei, no skal eg komme meg heim att. Eg har ikkje vore heime på over tre veker, så no vil eg heim og finne senga. Men laget skal nok feire. Eg kjenner eg er mett, ler Fardal.
- Les også: