Quizen er ei ganske lett blanding, der storparten av spørsmåla er knytt til Sogn og Fjordane, kommunane i fylket og personar som har tilknyting til våre fjell og fjordar.
Sett deg gjerne saman med nokon andre og finn fram penn og papir. Skriv ned første bokstaven i svaret, og alle bokstavane blir til eit løysingsord. Det sender du inn i svarboksen nedst på sida.
Vi plukkar ut ein vinnar kvar dag som får krus med noko godt i. Av alle dei som sender inn rett svar i løpet av påska plukkar vi ut ein vinnar som får ein DAB-radio.
Her er dagens quiz:
- Storen eller Store Skagastølstind er med sine 2405 meter over havet det høgaste fjellet i Sogn og Fjordane. Fjellet ligg på grensa mellom to kommunar. Vi vil ha namnet til kommunen som startar med ein konsonant.
- Kvar månad kjem NAV med nye tal for dette. Tala i vårt fylke er på veg oppover, men framleis er vi blant fylka der denne er lågast. Kva snakkar vi om?
- Tre tettstadar i Sogn og Fjordane har bystatus. To av dei deler same forbokstav, men kva heiter den tredje?
- Smale bygdevegar, Grotlesanden og Hornelen vart alle viste fram i det som vart omtalt som den dyraste musikkvideoen i Norge. Men kva heiter rap-duoen som spelte inn musikkvideo i Bremanger?
- Ifølgje Statistisk sentralbyrå var dette det mest populære gutenamnet i Sogn og Fjordane i 2015. Kva namn snakkar vi om?
- Eit skipsverft blir rekna som den største bedrifta i Hyllestad. Kvar i kommunen ligg det?
- Vettisfossen blir rekna som det høgaste uregulerte fossefallet i både Norge og Nord-Europa. Men i kva kommune ligg den?
- Han har vore leiar for Unge Venstre og sit no som stortingsrepresentant frå Sogn og Fjordane. Kva heiter han til etternamn?
Fristen for å sende inn rett svar er ved midnatt same dag som quizen er lagt ut.
Om du ikkje får skjemaet til å fungere kan du sende løysingsordet saman med namn og adresse til konkurranse.sfj@nrk.no
Lykke til!