Gro Caroline Flølo frå Farmhouse i Stryn var på plass under fylkestingsmøtet på Fylkeshuset i dag. Ho fortalde om arbeidet med pilotprosjektet REMERK frå oppstart og fram til ferdig kolleksjon.
Plagga har reflekselement som del av designet, noko som gjer jakkene godt synlege når det kjem lys på dei.
Pilotkolleksjonen frå Moods of Norway og Ricco Vero er stilt ut på Fylkeshuset, slik at både politikarar og tilsette i fylkeskommunen kunne sjå nærare på nyvinninga. Kolleksjonane vert etter planen å finne i butikkane frå hausten 2013.
- LES OGSÅ:
- LES OGSÅ:
Åshild Kjelsnes sin idé
Det fylkeskommunale trafikktryggingsutvalet er opphavet til prosjektet. Ideen og opptakten vart gjort av fylkesordførar Åshild Kjelsnes, som leia utvalet på den tida. Ho tok kontakt med designmiljøa i Stryn, som fekk snøballen til å rulle. Seinare har Trygg Trafikk, Norsk Designråd og Reflexconsult også kome inn i biletet.