Quizen er ei ganske lett blanding, der storparten av spørsmåla er knytte til Sogn og Fjordane, kommunane i trivselsfylket og personar som har tilknyting til fjella og fjordane våre.
Set deg gjerne saman med nokon, finn fram penn og papir – og du er klar.
Notèr ned første bokstaven i svaret, og alle bokstavane blir til eit løysingsord. Det sender du inn i svarboksen nedst på sida.
Vi plukkar ut ein vinnar kvar dag. Desse får ein kopp med litt julegodis i posten. Av alle dei som sender inn rett svar i løpet av romjula og nyttårshelga, plukkar vi ut ein vinnar som får ein DAB-radio.
Er du klar? Her er dagens quiz:
- Kommunane Førde, Jølster, Naustdal og Gaular er samde om å slå seg saman. I intensjonsavtalen var kommunane også samde om eit namn, kva?
- Det var ikkje berre Anna og Vilde frå Eid som impoerte under MGP-juniorfinalen. Det gjorde også eit ungt band frå same kommune. Veit du kva dei heiter?
- Det var folkefest i Hyllestad då isbrytarane Normann og Pomor vart døypte i slutten av oktober. I kva land høyrer reiarlaget som kjøpte båtane heime?
- Sykkeltalentet frå Høyanger vart beste nordmann under VM i landevegsritt i oktober. Kva heiter han? Vi vil ha etternamnet.
- I Bergen har dei lenge hatt ein tradisjon for å byggje opp byen sin av dette i førjulstida. I Stardalen i Jølster har dei i år prøvd seg på noko liknande. Kva har dei brukt for å bygge opp ein miniatyrmodell av dalen sin?
- Kommunen har vel 800 innbyggjarar og tre kyrkjer. Husøy kyrkje og Hersvik kyrkje er to av dei. Kva heiter den tredje?
- Atle Steinar Solheim er Sogn og Fjordane sin kandidat til prisen Årets eldsjel som blir delt ut på idrettsgallaen om nokre dagar. Kva idrettslag har han vore leiar for i 22 år?
- Bryggekunst stod i fokus då ein ny festival i haust såg dagens lys i Hornindal. Veit du kva festival vi snakkar om?
- Aldri før har det vore så mange av desse i Sogn og Fjordane. I haust runda vi 110.000 kva for noko?
- Leikanger er ein av dei største fruktkommunane i Norge. Det er spesielt tre typar frukt det blir produsert mykje av her. Eple, pærer og kva for noko?
- Salet av fylket sine Fjord1-aksjar har vore eit brennheitt tema gjennom året. På seinsommaren fekk saka ein ende då fylkestinget bestemte seg for å selje til Havila. Kva heiter mediegaren som då endeleg kunne smile? Vi vil ha førenamnet.
Fristen for å sende inn rett svar er ved midnatt same dag som quizen er lagt ut.
Om du ikkje får skjemaet til å fungere kan du sende løysingsordet saman med namn og adresse til konkurranse.sfj@nrk.no
Lykke til!
- Her finn du alle svara: