- Sindre Kvalheim har synt at det er fullt mogleg for IT - gründerar å lukkast og halde fokus på vidareutvikling gjennom framtidsretta satsingar også i distrikta. Denne unge gründeren er såleis eit framifrå forbilde for gründerspirer i Sogn og Fjordane, sa høyangerordførar Kjartan Longva.
Har satsa på datalagring
Han og fylkesordførar Nils R. Sandal stod for utdelinga i fylkestinget tysdag.
Kvalheim er gründeren av ei verksemda LocalHost i Måløy - som er totalleverandør av IT, med fokus på datalagring. Dette inneber at LocalHost overfører kunden sine data og programvarer til eigne serverar.
Kunden har såleis ikkje behov for fysiske installasjonar som harddisk eller serverar, og vil kunne hente ut data enkelt ved å logge seg på LocalHost sitt nettverk eller internett.
- Sogn og Fjordane fantastisk for gründerar
LocalHost har skaffa fleire arbeidsplassar til Måløy.
I tillegg har Kvalheim vore med og undersøkt høvet for å utnytte marknadspotensialet for datalagring i Lefdal Gruve på Eid. Det er det eit aukande behov for plassering av enorme datalagringsmengder fordi mengder data i verda vert dobla kvar 18. månad.
- Det å vere gründer i Sogn og Fjordane er heilt fantastisk, Ein får ikkje berre vere gründer første året, men kvar dag og heile tida, sa Kvalheim då han mottok prisen.