Leigebuaren hadde sovna frå matlaginga, og det førte til kraftig røykutvikling i husværet.
Bruland Riise reagerte på røyklukta, og gjekk ned til leigebuaren. Mannen var medvitslaus då ho fann han. 84-åringen varsla politiet, som sende ambulanse, brannvesenet og ein politipatrulje til staden. Samstundes opna ho vindauge og dører for å lufte ut røyken. Ambulansepersonellet fekk raskt liv i mannen og frakta han til sjukehus.
- Jenny Riise Bruland handla resolutt og korrekt i ein situasjon som utvilsomt var livstrugande for leigebuaren, seier administrerande direktør Dagfinn Kvalheim i Brannvernforeningen.
Bruland Riise er den første som får heltediplomet etter årtusenskiftet.
Heil sidan starten i 1923 har Norsk brannvernforening delt ut diplom til kvardagsheltar som har gjort noko utanom det vanlege for å berge liv eller verdiar frå brann.