NRK Meny
Normal

Helgesenkoret laga julestemning: – Flott song

For det familiebaserte Helgesenkoret har det blitt tradisjon å synge på eldreheimane i Selje. For det kan dei takke mora.

Helgesenkoret

SØSKENKOR: Helgesenkoret har fått med seg den heimflytta musikaren Line Dybedal som musikalsk leiar.

Foto: Harald Kolseth/NRK

– Det er ikkje alle som har moglegheit til å dra dit vi har konsert, og difor kjem vi hit og syng for dei, fortel Paul Helgesen i Helgesenkoret.

For femte året på rad drar han og resten av det familieprega koret rundt på ein juleturné på eldresentera i Selje. Årsaka til at familiekoret ønskjer å gjere det stammar frå langt tilbake i tid.

– Vi er vaksen opp i ein stor søskenflokk, og medan pappa laga julemiddagen på juleaftan, var vi med mamma i kyrkja og på besøk sjå folk vi kjende på sjukeheimen. Då blei vi alltid stilt opp og måtte synge nokre julesongar, fortel Paul Helgesen.

– Eg kjem i julestemning

Og no har besøka på eldreheimane blitt ein tradisjon for borna i familien.

– Det starta då vi var små og når vi då seinare laga til julekonsertar, var det naturleg for oss å tenke at vi hadde lyst til å synge her, fortel Helgsen.

– Flott!

– Veldig flinke til å synge!

– Eg kjem i julestemning, var nokre av reaksjonane frå dei vel 60 personane som fekk med seg konserten på ein av eldreheimane i Selje måndag.

Koret har fått med seg den heimflytta musikaren Line Dybedal som musikalsk leiar og til helga skal dei ha ein stor julekonsert i kyrkja. Den er det mange som set høgt.

– Det var fantastisk song, og vi følar oss veldig privilegert som får dei på besøk her. Å gå på konsert med Helgesenkoret i kyrkja, er ein del av det å kome i julestemning, fortel Rita Hatlenes.

Den nye regjeringa vurderer å kvitte seg med odelslova. Det kjem ikkje på tale, svarer bøndene.
Statens helsetilsyn har avdekka at fire av fem norske kommunar som blei sjekka bryt lova og gir eit for dårleg tilbod til utviklingshemma.
Første i Norge som har vektløfting som valgfag.