Forsvarets spesialfarty kom til Dalsfjorden klokka 22.30 tysdag, og har søkt gjennom natta.
- LES OGSÅ: Anleggsarbeidet mellombels stogga
– Vi har i første omgang konsentrert søket om rett nedanfor der dumparen gjekk utfor, men så langt ikkje funne noko, seier operasjonsleiar Per Rimmen ved Sogn og Fjordane politidistrikt.
Søkjer eitt døgn
Søket med ROV tysdag vart avslutta berre ein time før KNM «Tyr» kom til staden. To båtar deltek i dag i undervassøket, medan også Fjaler Røde Kors stiller med tre personar og båt.
- LES OGSÅ: Her gjekk dumparen i fjorden
– Dei skal gjennomføre strandsøk i området. Det er planlagt å starte opp att klokka 0930, opplyser politiet.
KNM «Tyr» skal i første omgang søke til klokka 22 onsdag.
Fann dumparen
Det har sidan måndag kveld blitt søkt i fjorden etter at ein dumper køyrde utfor vegen og hamna i fjorden under arbeid på Dalsfjordsambandet. Sjølve dumparen vart tysdag ettermiddag lokalisert på kring 230 meters djupne.
- LES OGSÅ: – Ulukkesstaden kunne vore betre sikra
- LES OGSÅ: Tre alvorlege ulukker på Dalsfjordsambandet
Den sakna 25-åringen frå Ørsta var tilsett i entreprenørverksemda K.A. Aurstad.
– Det har vore ein frykteleg tung dag. Dette unner eg ingen, sa Cato Aurstad.