Vart hekta på origami etter ein mattetime

Ein hoppande frosk og han var hekta. No lærer Jørn Cato Løkeland vekk papirkunsten til andre under Ungdomens kulturmønstring i Førde.

Jørn Cato Løkeland Leknes demonstrerer origamikunst under Ungdomens kulturmønstring i Førde.

LÆREMEISTER: Jørn Cato Løkeland Leknes frå Atløy demonstrerer origamikunst under Ungdomens kulturmønstring i Førde.

Det var i ein mattetime han lærte å brette sin første figur. Målet var å sjå kor langt han og dei andre elevane kunne få frosken til å hoppe.

– Eg vann alltid, fordi eg klarte å knipse frosken utan at nokon la merke til det, seier Løkeland Leknes.

(Artikkelen held fram under videoen)

Her er den første origamifiguren Jørn Cato Løkeland Leknes lærte å brette. Sjå video av den hoppande frosken!

PAPIRFROSK: Her er den første origamifiguren Jørn Cato Løkeland Leknes lærte å brette. Sjå video av den hoppande frosken!

Bretter papir på ferja

Etter den mattetimen var han heilt hekta.

– Eg vart så fascinert av at det gjekk an å lage ein frosk av berre eit papir. Då tenkte eg, "kva anna går det an å lage"?, seier han.

No lagar han dragar, blomar, vannbombefly og andre kompliserte figurar. Det er alltid nye utfordringar.

– Her i går såg eg ein veldig kul kanin, som eg har lyst å prøve meg på, seier Løkeland Leknes.

– Kva var det med den kaninen du likte?

– Den var veldig naturtru, den likna veldig på ein ordentleg kanin, sjølv om den var av papir. Og så var den veldig rund, noko som er vanskeleg å få til, seier han.

Lærer vekk triksa til andre

Under Ungdomens kulturmønstring i Førde heldt Løkeland Leknes workshop for dei andre deltakarane. Mange av dei skulle opptre på scena same dagen, noko som vart ei utfordring. Å lære å brette ein origamifigur er ikkje gjort i ein fei.

– Mange måtte stikke midt i prosessen, seier Løkeland Leknes og peikar bort på ein dunge halvferdige figurar.

Trass i at det er ein noko uvanleg hobby blant ungdomar no til dags, har han klart å inspirere andre.

– Då eg lagde eit F-16 fly til søskenbarnet mitt vart han veldig imponert over kor likt det var, seier han.

Øya Bremangerlandet vil vere utan veg til fastlandet fram til neste veke.
For han som var sekundar frå å bli treft av steinblokkene, var det ei skremmande oppleving.
Over 3000 asylsøkjarar har forsvunne siste året.
  
Heile villreinstammen på Nordfjella, nær 2000 dyr, bør utryddast snarast råd. Det meiner forskarar etter at det i fjor blei påvist skrantesjuke. 
I dag møttes forskarar, politikararar og forvaltninga, for å diskutere den vidare kampen mot smitta.