– Eg er open for det meste. Eg trivst veldig godt i Molde, og vi har eit veldig godt lag no – så eg har ikkje hastverk, seier Per Egil Flo.
Stryningen forlèt Sogndal for snart tre år sidan, og har sidan den gongen teke to NM-titlar og eitt seriegull med Molde. I vinter toppa han karrieren med å vinne gruppespelet i Europa League – for deretter å spele heile kampen då Molde slo dei doble tittelforsvararane Sevilla 1–0 i 16-delsfinalen.
- Les også:
– Neste steg blir å klippe seg
Per Egil Flo er nevø av sportsleg leiar Håvard Flo i Sogndal, og har mykje å slekte på. Onkelen – som er søskenbarn av Jostein og Tore André Flo – har 26 landskampar. Han har spelt for klubbar som Aarhus, Werder Bremen og Wolverhampton.
Flo-slekta har ein fotball-CV få – om nokon – kan matche. Og no er ein ny floar på den internasjonale scena. I vinter har Per Egil Flo levert varene i Europaligaen.
- Les også:
– Han fekk det internasjonale gjennombrotet mot Ajax. Så tok han eit nytt steg mot Sevilla, seier Ole Gunnar Solskjær og ser bort på den kanskje mest langhåra karen på laget.
Var ikkje god nok for United
Molde-trenaren er glad han har Flo i stallen. Han trur stryningen kan komme tilbake på nivået då han var på landslaget. For han er ein spelartype du alltid kan stole på. Han leverer så godt som aldri ein dårleg kamp.
Solskjær har følgt med Flo sidan han som unggut var på prøvespel i Manchester United. Det er over ti år sidan, og unge Flo fekk spele treningskamp for juniorane.
– Der og då var det veldig artig. Eg fekk sjå korleis dei jobba, og eg fekk kjenne på nivået på spelarane i United, seier Flo.
Det vart aldri noko meir enn ein draum. Det unge talentet vart ikkje funnen god nok.
- Les også:
– Har lyst på eit proffeventyr
No er det berre nokre få veker igjen til seriestart i Norge. Flo håpar å vise seg fram for Molde, og slik nærme seg ein proffkontrakt i utlandet. Men aller først må han bevise at han er god nok for laget.
– Vi har sterk konkurranse om plassen, så eg må bruke dei sjansane eg får, seier han.
- Les også:
– Du har ikkje hastverk med å følgje i fotspora til andre floarar?
– Eg kunne absolutt tenkje meg å prøve meg i utlandet. Det er prestasjonar her i klubben som eventuelt opnar dei dørene.
– Er det eit mål for deg?
– Ja. Eg har lyst til å prøve meg i utlandet, seier Flo.
- Les også: