Har tapt flest arbeidsplassar

- Dette er alvorleg, seier fylkesdirektør i Innovasjon Norge, Halvor Flatland.

Verst stilt i heile landet

Talet på verksemder i Sogn og Fjordane som har måtte gjere store kutt i arbeidsstokken dei siste åra har blitt mange. Hydro Aluminium, Vik Ørsta og STX Europe er berre nokre av dei.

LES OGSÅ:

• Fundo Wheels er konkurs
• 120 må gå ved Florø-verft
• Styret i Vik Ørsta vil kutte
• Hydro må kutte nok ein gong

Samla sett er fjordfylket det fylket i landet som har tapt prosentvis flest arbeidsplassar dei siste ti åra.

- Det er eit stort problem. For nettopp arbeidsplassar er noko av dei viktigaste vi må ha skal vi ha folk i dette fylket, seier Flatland.

(Artikkelen held fram under biletet)

Finanskrisa har råka hardt siste åra

I 2009 vart Høyangersamfunnet råka hardt då Fundo Wheels gjekk konkurs og 300 tilsette måtte gå.

• LES OGSÅ: Blanda kjensler etter Fundo-konkurs

Tal Innovasjon Norge har henta inn dei siste to åra viser at fylket framleis tapar arbeidsplassar.

- Ikkje overraskande har finanskrisa gitt færre arbeidsplassar, seier Flatland.

- Vi må tenkje nytt

Samtidig kan Framtidsfylket skryte av rekordoppmøte på karrieremessene som skal lokke ungdom tilbake til fylket.

- I løpet av dei fire messene der Sogn og Fjordane har vist seg fram på i februar har det kome til saman 1250 besøkande, seier dagleg leiar i Framtidsfylket, Anne Van Oorschot.

Dei siste ti åra er det industrien som har tapt flest arbeidsplassar – til saman 2000 arbeidsplassar på ti år.

Van Oorschot meiner det er på tide at Sogn og Fjordane finn nye satsingsområder.

- Vi må vere frampå og henge med. Vi må omstille oss, tenkje nye produkt og nye tenester som vi kan tilby frå fylket, seier Van Oorschot.